Komisionerja e BE-së për Zgjerimin, Marta Kos, ka tërhequr vërejtjen se dy nga gjashtë vendet e Ballkanit Perëndimor ende nuk kanë nisur miratimin apo zbatimin e reformave të kërkuara në kuadër të Planit të Rritjes.
Dy nga shtetet që nuk kanë performuuar mirë është Kosova, si pasojë e mungesë së institucionecve, si dhe Bosnje e Hercegovina.
“Sot jemi këtu për të bërë një vlerësim të ecurisë, për të parë çfarë ka ecur mirë me Planin e Rritjes dhe në cilat fusha duhet të bëjmë më shumë., sepse tash tash mbushur dy vjet që nga fillimi i zbatimit të Plani i Rritjes. Dy vite nga katër gjithsej. Pra, jemi në pushimin mes dy pjesëve, të parës që sapo mbaroi dhe të dytës që sapo filloi. Dhe tani është momenti i duhur për të bashkëbiseduar.
Kemi mjaft për të festuar, por, në të njëjtën kohë duhet të jemi të sinqertë që dy nga gjashtë vendet e rajonit ende nuk kanë filluar të miratojnë reformat apo zbatimin. Dy performuesit më të mirë kanë miratuar rreth 50% të reformave të dakorduësurara dhe këtu shohim një lidhje të mirë ndërmjet avancimit të anëtarësimit dhe reformave.”, tha Kos në samitin në Tiranë.
Ajo theksoi se Shqipëria dhe Mali i Zi konsiderohen si performuesit më të mirë, duke përmbushur rreth 50% të reformave të dakorduara me BE-në.
Në samit, nga Kosova po merr pjesë kryeministri në detyrë, Albin Kurti.
Kujtojmë se Bashkimi Evropian, sipas Raportit të Progresit, që nga maji i këtij viti ka ndërmarrë hapa “për heqjen graduale” të masave ndëshkuese që vendosi ndaj Kosovës më 2023 për shkak të situatës së tensionuar në veriun e vendit, të banuar me shumicë serbe.
Raporti përmend se Kosova nuk i ka ratifikuar marrëveshjet që do t’i mundësonin të përfitonte nga Plani i Rritjes i Bashkimit Evropian për Ballkanin Perëndimor “për shkak të ngërçit politik”.
Që nga zgjedhjet e 9 shkurtit, Kosova ende nuk ka arritur të formojë ekzekutivin e ri, duke pamundësuar ratifikimin e marrëveshjeve ndërkombëtare në Kuvend.
Plani i Rritjes, paketë në vlerë prej 6 miliardëeurosh, synon përshpejtimin e rrugës së shteteve të rajonit në BE.
Kosovës i kanë rënë hise rreth 900 milionë euro, që do të thotë se për kokë banori është përfituesja më e madhe e këtyre mjeteve.
