Ministri i Shëndetësisë, Armend Zemaj ka thënë se situata me COVID-19 në Kosovë, sipas tij, është e qetë.
Në një konferencë për medie, Zemaj ka thënë se tash ka rënë në 11 numri i komunave që gjenden në zonën e kuqe.
“Në zonën e kuqe 11 komuna, 11 në të verdhën dhe në të gjelbrën 16 komuna”, ka thënë Zemaj.
Në zonën e kuqe janë 11: Prishtina, Zveçani, Zubin Potoku, Fushë Kosova, Obiliqi, Mitrovica e Jugut dhe e Veriut Leposaviqi, Lipjani, Drenasi dhe Podujeva.
Në zonën e verdhë janë 11 komuna: Kamenica, Kllokoti, Gjakova, Vitia, Gjilani, Peja, Vushtrria, Ferizaj, Shtërpca dhe Ranillugu.
Komunat që janë në zonën e gjelbër janë 16: Graçanica, Klina, Hani i Elezit, Skenderaj, Shtimja, Suhareka, Prizreni, Drasgashi, Mamusha, Malisheva, Parteshi, Deçani, Novebërda Kaçaniku dhe Juniku.
“Jemi duke përgatitur masat e reja në nivel vendi, për të cilat do të bëhen të ditura të premten tjetër”, ka thënë Zemaj.
