Vetëvendosje nis fushatën në rrjetet sociale “Albin Kurti, kryeministër i Kosovës”

Një lajm jo zyrtar që ka qarkulluar në disa media se Gjykata Kushtetuese ka vendosur në favor të Lëvizjes Vetëvendosje, lidhur me votën e deputetit, Etem Arifi, e cila ishte vendimtare për krijimin e Qeverisë së Kosovës.

Megjithëse nga LVV kanë deklaruar se nuk kanë ndonjë informacion zyrtar nëse Gjykata Kushtetuese ka marrë ndonjë vendim për rastin e vlefshmërisë së votës së deputetit Etem Arifi, zyrtarë të kësaj partie kanë filluar të shpërndajnë fotografi të kreut të liderit të partisë ku shkruan ” Albin Kurti, Kryeministër i Republikës së Kosovës”.

Një postim të tillë e ka bërë ish-ministri i Ministrisë së Punëve të Brendshme, Xhelal Sfeçla. Postimi i tij në rrjetin social Facebook, ka marrë pëlqime të shumta brenda pak minutash.

TË NGJASHME

Kryeministri Kurti takon në Mynih Kryeministrin e Armenisë, shtetit ky që s’e njeh ende Kosovën

9 months më parë

“Le Monde”: Kurti në prag të fitimit të betejës për kontrollin e veriut – po arrin atje ku paraardhësit e tij kanë dështuar

9 months më parë

Gjithashtu, nënkryetarja e LVV-së,  Arbërie Nagavci ka shkruar se aktualisht kanë 51 përqind të votave.
“51% aktualisht, paramendo pas 40 dite”, thuhet në reagimin e Nagavcit në Facebook.

Theksojmë se vota e deputetit Arifi ishte vendimtare për formimin e Qeverisë Hoti, për të cilën LVV kishte pohuar se ishte e paligjshme.