Një zjarr i madh ka përfshirë një pronë private në Rahovec, duke shkaktuar dëme të mëdha materiale.
Sipas raportit të Policisë së Kosovës, ankuesi ka raportuar se nga zjarri, i cili ka shpërthyer për shkaqe ende të panjohura, i është djegur një shtëpizë druri dhe stalla e bagëtive, së bashku me ushqimin e tyre dhe disa bagëti.
Zjarrfikësit kanë dalë menjëherë në vendin e ngjarjes dhe kanë arritur ta shuajnë zjarrin, ndërsa policia po heton shkaqet e zjarrit. Për fat të mirë, nuk raportohet për persona të lënduar./Rilindja Shqiptare/
