Një ngjarje e rëndë ka tronditur mbrëmjen e sotme qytetin e Kaçanikut, ku rreshteri i Policisë së Kosovës, Muhamed Lika, është ekzekutuar me ar/më zjarri në hyrje të banesës së tij.
Sipas informacioneve të para, Lika u qëllua disa herë nga persona ende të panjohur. Plagët e marra rezultuan fatale dhe, pavarësisht përpjekjeve për ndihmë, ai nuk arriti t’u mbijetojë.
Autoritetet kanë nisur menjëherë hetimet për të zbardhur rrethanat e këtij krimi dhe për të identifikuar autorët. Njësitë policore ndodhen në vendngjarje, ndërsa forcat e rendit po analizojnë provat për të çuar para drejtësisë përgjegjësit e këtij akti të rëndë.
Lajmi ka shkaktuar tronditje të madhe në komunitetin lokal dhe në radhët e Policisë së Kosovës. Muhamed Lika njihej si një oficer i përkushtuar ndaj detyrës dhe shërbimit ndaj qytetarëve.
Hetimet janë në vijim dhe pritet që institucionet të japin më shumë detaje në orët në vijim.
