Presidenti amerikan, Donald Trump ka folur me gazetarët në Shtëpinë e Bardhë.
Ai u pyet se çfarë kërkon të shohë nga Ukraina dhe Rusia në lidhje me negociatat për paqen.
“E gjithë jeta ime ka kaluar në negociata të mëdha dhe e di kur njerëzit po na luajnë dhe kur jo”, u shpreh ai.
“Dua të shoh entuziazëm për ta përfunduar [luftën]. Mendoj se po e shoh atë entuziazëm – mendoj se e shoh nga të dyja palët”, deklaroi lideri amerikan.
Kur u pyet nëse mendonte se rusët po mashtronin SHBA-në, ai shtoi “askush nuk po na mashtron”.
Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale.
