Laura Graham nga SHBA-ja ka përshkruar në mënyrë të përkryer se çfarë do të thotë të jesh nënë e tre fëmijëve nën moshën katër vjeç.
Në një video të shkurtër që publikoi në Instagram, Graham tregoi një moment që ajo e përshkroi si “kaos i plotë” në shtëpinë e tyre.
“Sapo kisha mbaruar gjidhënien e vajzës sonë njëmuajshe, dhe ndërkohë, dy djemtë tanë, katër dhe dy vjeç, po kërcenin mbi mua”, tregoi Laura për Newsweek.
Djali më i madh, Liam, përdorte një bilbil në video. “Gjithçka është në rregull,” i thotë Laura bashkëshortit të saj, duke i treguar gishtin e madh lart si shenjë pozitive.
Ajo shpjegoi se kishin dëshirë për një fëmijë tjetër, por bashkëshorti i saj, Luke, donte të prisnin edhe disa vite.
“Unë, nga ana tjetër, isha gati më herët. Më ka pëlqyer gjithmonë ideja që fëmijët të jenë afër në moshë. Tani është e vështirë, por e kam parë nga një perspektivë afatgjatë dhe e kam imagjinuar se sa i veçantë do të jetë marrëdhënia e tyre teksa rriten bashkë”, tha ajo.
Familja është bërë së fundmi me pesë anëtarë, dhe Laura me Luke shpresojnë se me kohë do të bëhet më e lehtë.
Videoja është parë mbi 1.2 milion herë dhe ka mbledhur qindra komente nga nëna të tjera që ndodhen në situata të ngjashme.
