Në mesin e shumë konkurentëve dhe përballë një jurie profesionale kombëtare dhe ndërkombëtare, pianistja e re Alea Ibrahimi ka arritur një sukses të jashtëzakonshëm, duke zënë vendin e parë në edicionin e 17-të të festivalit prestigjioz “Pianisti i Ri”, i mbajtur në Prishtinë.
Alea vjen nga një familje me histori të lavdishme, si mbesa e Dëshmorit të Kombit, Major Muharrem Ibrahimi, dhe po e vazhdon rrugën e nderit përmes artit e talentit të saj.
Nën udhëheqjen e profesoreshës Festina Vejsa Shllaku, Alea përmbylli një vit të suksesshëm shkollor, duke u dalluar në skenën muzikore kombëtare dhe ndërkombëtare me një varg çmimesh të rëndësishme:
Pjesëmarrjet dhe çmimet gjatë vitit:
- ARSKOSOVA – Çmimi i dytë
- Prishtina Talent – Çmimi i parë
- El Maestro, Prishtinë – Pjesëmarrje
- Polyhymnia, Shkup – Çmimi i dytë
- Duet Pianistik – Çmimi i dytë
- Mirënjohje nga Prenk Jakova
- Pianisti i Ri, Tiranë – Çmimi i parë
Alea është shembull i përkushtimit, disiplinës dhe pasionit për muzikën, dhe me sukseset e saj po e nderon emrin e familjes, shkollës dhe gjithë komunitetit.
Urime të përzemërta Aleas dhe profesoreshës së saj për këto arritje të mëdha! Suksese edhe në të ardhmen!
