Në Shtabin e Përgjithshëm të Forcave të Armatosura të Shqipërisë (FARSH) u zhvillua sot një takim me Forcën e Sigurisë së Kosovës (FSK), me qëllim hartimin e planit të bashkëpunimit dypalësh për periudhën 2025–2028.
Gjenerallejtënant Arben Kingji, Shefi i Shtabit të Përgjithshëm të FARSH, vlerësoi progresin e FSK-së në transformim, modernizim dhe performancë, duke veçuar rolin e tyre në stërvitjet dy- dhe shumëpalëshe.
Ai nënvizoi rëndësinë e FSK-së për sigurinë në Kosovë dhe rajon, dhe theksoi përkushtimin maksimal të Shqipërisë për mbështetje në fusha kyçe si arsimimi, stërvitjet, shkëmbimi i eksperiencës dhe avancimi i bashkëpunimit mes dy forcave.
Delegacioni i FSK-së ishte i kryesuar nga kolonel Haki Hoti.
