Me një frymë të re dhe përkushtim ndaj qytetarëve, Adisa Berisha garon për Asamblenë Komunale të Prizrenit nga radhët e Lëvizjes Vetëvendosje me numrin 35 në listë.
Ajo e sheh këtë garë jo vetëm si pjesëmarrje politike, por si një mision për t’i shërbyer komunitetit me ndershmëri dhe përgjegjësi.
Në qendër të vizionit të saj qëndron ideja që vendimmarrja duhet të jetë në duart e qytetarëve – përmes dëgjimit, bashkëpunimit dhe përfshirjes së tyre në çdo hap që prek jetën publike. Adisa Berisha thekson se qeverisja transparente dhe e hapur është themeli i një Prizreni që ecën përpara, ku çdo vendim merret në interes të përbashkët.
“Synimi im është të ndërtojmë një Prizren më të mirë, me zhvillim të qëndrueshëm dhe me kushte më të mira jetese për çdo qytetar. Besoj në një administratë që dëgjon dhe vepron me përgjegjësi ndaj komunitetit,” thekson ajo.
Së bashku me kandidatin për kryetar të Komunës, Artan Abrashi (105) dhe me mbështetjen e Lëvizjes Vetëvendosje, Adisa Berisha fton qytetarët të zgjedhin ndryshimin përmes pjesëmarrjes aktive në zgjedhje.
Voto – ADISA BERISHA 35
Voto – ARTAN ABRASHI 105
Për një Prizren që ndërtohet me qytetarët dhe për qytetarët.
