Arsenal ka konfirmuar formën e tij të shkëlqyer në Ligën e Kampioneve, duke shënuar fitore të madhe 3-0 si mysafir ndaj Slavia Pragës, në kuadër të javës së katërt të fazës së grupeve.
Ky sukses e bën skuadrën e Mikel Artetës të vazhdojë serinë e përkryer me katër fitore në katër ndeshjet e fundit, duke udhëhequr renditjes në fazën e ligës.
Golin e parë për “Topçinjtë” e shënoi Bukayo Saka (32’) që hapi rezultatin pas një penalltie të konfirmuar nga VAR.
Mikel Merino shënoi dy herë, fillimisht në fillimin e pjesës së dytë (46’) me një gjuajtje të saktë brenda zonës, dhe më vonë në minutën e 68’ pas një krosimi të bukur nga Declan Rice, duke vulosur fitoren e thellë.
Edhe pse Arsenal kishte disa mungesa kyçe, performanca e ekipit ishte bindëse, me lojtarët e rinj që kontribuan në një mënyrë të jashtëzakonshme.
Ky triumf i jep “Topçinjtë” një avantazh të madh për kalimin në fazën e eliminimit direkt dhe dërgon një mesazh të qartë për rivalët në Ligën e Kampioneve.
