Eliksiri i rinisë ndodhet në shtyllën kurrizore. Shikoni se sa shumë zbulon një shpinë elastike për shëndetin në përgjithësi dhe, në veçanti, për gjendjen kardiovaskulare.
Rikthe fuqinë mashkullore pa pilula: funksionon për 10 minuta
Lajmet janë të mira për këdo që ushtron rregullisht dhe i kushton rëndësi fleksibilitetit dhe elasticitetit të trupit, sidomos në zonën e shpinës. Vitet e fundit, të dhënat tregojnë qartë se fleksibiliteti i nyjeve dhe i shtyllës kurrizore është një tregues i elasticitetit të arterieve. Pra, sa më elastike të jetë shpina, aq më “i ri” është sistemi vaskular i zemrës – dhe kjo është shumë pozitive.
Provoni ushtrimin e mëposhtëm:
Uluni në dysheme me këmbët të shtrira përpara. Përpiquni të prekni gishtat e këmbëve me duar. A po i afroheni? Ju duhet ende shumë? Apo është e pamundur? Sapo provuat një ushtrim fleksibiliteti të shtyllës kurrizore që zbulon shumë për “rinë” e arterieve tuaja.
Pikërisht të njëjtin eksperiment kryen studiues japonezë, të cilët vlerësuan aftësinë e 526 të rriturve, të moshës 20–83 vjeç, për t’u ulur në dysheme dhe për të prekur gishtat e këmbëve. Plakja arteriale e pjesëmarrësve siç citon noa.al, u vlerësua me ultratinguj dhe, për personat mbi 40 vjeç, u konstatua një lidhje e drejtpërdrejtë mes fleksibilitetit të shtyllës kurrizore dhe elasticitetit të arterieve. Përfundimet e studimit u botuan në American Journal of Physiology.
Prandaj, nëse jeni mbi 40 vjeç dhe nuk arrini t’i afroheni gishtave të këmbëve, ndoshta duhet të shqetësoheni jo vetëm për humbjen e fleksibilitetit, por edhe për shëndetin e zemrës suaj.
Studimi japonez nuk është i vetmi që tregon se elasticiteti i nyjeve dhe i shtyllës kurrizore lidhet drejtpërdrejt me plakjen e arterieve. Studime të tjera kanë treguar epërsinë e padiskutueshme të ushtrimeve shtrënguese (stretching) krahasuar me lloje të tjera stërvitjeje, sa i përket përmirësimit të elasticitetit arterial.
Pra, ekziston mënyra për të përmirësuar fleksibilitetin tuaj dhe, si rrjedhojë, edhe elasticitetin e arterieve. Zgjidhja është stretching-u, ose ushtrimet shtrënguese. Një praktikë tjetër që mund të ndihmojë në këtë drejtim është joga. Përveç përmirësimit të fleksibilitetit dhe elasticitetit të arterieve, joga është lidhur edhe me përmirësimin e vlerave të kolesterolit dhe sheqerit në gjak.
Mos harroni: sa më elastike të jetë shtylla kurrizore, aq më “të reja” janë arteriet tuaja.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
