Qytetarja Sevdije Sadiku ka thënë se si pasojë e çmimit të lartë të rrymës shumë familje nuk do të mund t’ia dalin të bëjnë pagesën e për cka KEK do t’iu këpusë rrymën dhe do të mbeten pa terr, ndërkohë që thekson se vetë pushtetarët po jetojnë një jetë luks e enden me siç e tha ajo me xhipa të zi.
Teksa po mbante në duar një pankart për të kundërshtuar edhe paralajmërimin e fundit edhe për një rritje të çmimit prej 21.3 për qind të faturës së rrymës, ajo tha se tani edhe çmimet e barnave janë të shtrenjta, e kështu mbijetesa në Kosovë po bëhet çdo ditë e më e vështirë, e që për gjithë këtë ajo po fajëson Qeverinë në krye me Albin Kurtin.
“Populli ka me mbet në terr. Një pjesë e madhe kemi me mbet borxh te KEK-u dhe kemi me mbet në terr, ja kjo është qeveria jonë, këta vet i kanë rregullu punët, vozitën me xhipa të zi, kanë pare, kanë luks, hajna ushqime të mira. Ne si do të jetojmë, çka do të hamë e çka do të pimë Ne veç rrymën duhet me pagu dhe ujin, me ja plotësu shtetit pagesat. E na çka duhet me ngrënë? Sa barnat e shtrenjta, sa sëmundjet i ka çu Zoti, si do të jetojna na. Çka po mendojnë. Çdo ditë njerëzit po ikin për një jetë më të mirë. Jemi në një vend shumë të pasur, kemi diell, ujëra, erë, dhe nuk do të thotë vetëm me thëngjill me u furnizu me rrymë, ka energji të ripërtritshme, dhe rryma mundet me qenë shumë më lirë”, tha ajo.
