Dani Carvajal do të largohet nga Real Madridi në përfundim të sezonit 2025–26.
Sipas asaj që raporton ”Marca” klubi ka vendosur që të mos i ofrojë një kontratë të re mbrojtësit spanjoll, i cili skadon më 30 qershor 2026, shkruan IndeksOnline.
34-vjeçari, ka kaluar sezonet e fundit me probleme fizike dhe me minuta të kufizuara lojë, derisa ka humbur vendin e tij në krahun e djathtë të mbrojtjes.
Carvajal së fundi është i pakënaqur me trajnerin Alvaro Arbeloa, i cili shpërtheu pas ndeshjes me Valencian, ku iu dha hapësirë lojtarit të akademisë David Jimenez, i cili pastaj u zëvendësua me Trent Alexander Arnoldin.
Ai është një nga lojtarët më të suksesshëm në historinë e klubit, duke fituar shumë trofe me fanellën e Real Madridit gjatë një karriere që zgjat mbi një dekadë.
Pritet që sezoni 2025–26 të jetë i fundit i Carvajalit me “Los Blancos”, duke mbyllur një kapitull të rëndësishëm në skuadër.
