Deputetja e Partisë Demokratike të Kosovës, Ganimete Musliu, gjatë një interviste në emisionin “DPT te Fidani” në Klan Kosova, ka kritikuar ashpër veprimet e presidentes Vjosa Osmani dhe kryeministrit Albin Kurti.
Sipas saj, “liderët Vjosa Osmani dhe Albin Kurti me veprimet e tyre kanë provokuar luftë civile”.
“Veprimet e liderëve shtetëror kanë qenë aq të pamatura e fëminore, që edhe qytetarët i kanë lënë pa tekst. Në një far pozicioni që nuk mundesh as me shpjegu, a kem apo s’kem kuvend. Mirëpo në anën tjetër ndoshta është mirë që ka marrë ketë vendim, dhe të bëhet një sqarim sa ma i shpejt dhe Kosova ta merr një drejtim”, tha Musliu.
