Specialistët e Sigurisë së Eksplozivëve të KFOR-it nën koordinimin e inxhinierëve të kësaj force kanë kryer një inspektim të sigurisë më minierën e Trepçës në Stantërg.
Sipas një njoftimi të misionit të NATO-s në Kosovë, i njëjti është realizuar së bashku me inspektorët e armëve dhe municioneve nga Departamenti për Siguri Publike (DPS), Ministria e Punëve të Brendshme (MPB) dhe inspektorët e eksplozivëve të minierave nga Komisioni i Pavarur për Miniera dhe Minerale (ICMM),
“Ky aktivitet i rregullt pasqyron angazhimin e vazhdueshëm të KFOR-it për të punuar së bashku me institucionet lokale, duke forcuar partneritetet dhe duke kontribuar në një mjedis të sigurt për të gjithë njerëzit që jetojnë në Kosovë”, thuhet mes tjerash në njoftimin e KFOR.
