Katër ndeshje në program sot në Kupën e Botës 2026, ja oraret sipas kohës së Kosovës
Artikulli:
Emocionet e Kupës së Botës 2026 vazhdojnë edhe sot me katër përballje interesante, ku kombëtaret synojnë pikë të rëndësishme në garën për kualifikim në fazën e eliminimit direkt.
Vëmendja kryesore do të jetë te sfida mes Spanjës dhe Arabisë Saudite, e cila hap programin e ditës, ndërsa më pas në fushë zbresin edhe Belgjika, Uruguai, Zelanda e Re dhe Egjipti.
Sipas orës së Kosovës (CEST, UTC+2), ndeshjet e sotme janë:
- 🕕 18:00 – Spanja – Arabia Saudite
- 🕘 21:00 – Belgjika – Irani
- 🕛 00:00 (22 qershor) – Uruguai – Kepi i Gjelbër
- 🕒 03:00 (22 qershor) – Zelanda e Re – Egjipti
Priten përballje të forta dhe rezultate që mund të ndikojnë ndjeshëm në renditjen e grupeve, teksa gara në Botërorin 2026 po hyn në një fazë gjithnjë e më interesante.
