Thomas Müller ka rikthyer në vëmendje një episod nga përballja mes Gjermanisë dhe Argjentinës në çerekfinalen e Kupës së Botës 2010, duke pretenduar se prania e Lionel Messit mund të ketë ndikuar në vendimin e gjyqtarit.
Deklarata e futbollistit gjerman është bërë virale në rrjetet sociale dhe ka nxitur sërish diskutime për arbitrimin, veçanërisht pas polemikave që shoqëruan Kupën e Botës 2026.
Müller kujtoi ndeshjen në të cilën Gjermania e mposhti Argjentinën me rezultat bindës 4:0.
“Ishim në epërsi ndaj Argjentinës. Messi ndodhej pranë meje kur topi u përplas në tokë dhe më goditi në krah, i cili ishte afër trupit tim”, rrëfeu Müller.
Sipas tij, gjyqtari reagoi menjëherë duke e ndëshkuar me karton të verdhë, vendim që gjermani beson se u ndikua nga afërsia e Messit.
“Mendoj se arsyeja e vetme ishte fakti që Messi ndodhej pranë meje. Kisha përshtypjen se ai e shikoi gjyqtarin dhe i tha: ‘Po humbasim, na jepni pak ndihmë’”, shtoi Müller.
