Kryeministri në detyrë, Albin Kurti, ka uruar boksieren Donjeta Sadiku pasi fitoi medaljen e artë në Lojërat Mesdhetare “Taranto 2026”.
Sadiku triumfoi në finale ndaj boksieres ruse Kristina Kuluhova, e cila garoi për Serbinë, duke ia siguruar Kosovës medaljen e parë të artë në këto lojëra.
“Sapo morëm një lajm të jashtëzakonshëm nga Lojërat Mesdhetare ‘Taranto 2026’. Boksierja jonë, Donjeta Sadiku, ka siguruar medaljen e parë të artë për Kosovën”, shkroi Kurti.
Ai e cilësoi triumfin si një arritje të rëndësishme për Sadikun, ekipin përfaqësues në Taranto, boksin dhe gjithë sportin kosovar.
“Ky është një sukses i madh për Donjetën, për ekipin tonë që ndodhet në Taranto, për boksin dhe për gjithë sportin e Kosovës”, theksoi Kurti.
Në fund, ai e uroi Sadikun dhe trajneren e saj, Mariola Sallauka, për fitoren e madhe.
