Deputeti i LVV-së në Kuvend të Kosovës, Liburn Aliu, ka sqaruar se partia e tij e respekton u.d-në e presidentit, Vjosa Osmanin, për shkak të numrit të votave.
Megjithatë, ai e ka mohuar idenë se VV-ja mund t’i ketë bërë ofertë Osmanit.
“Lëvizja Vetëvendosje gjithmonë e ka pasur derën hapur për çdokënd. Për më tepër, ne kërkojmë njerëz me integritet politik. Pse jo edhe me një subjekt të fortë politik”, ka thënë ai në Klan Kosova.
Megjithatë, ai ka shprehur dëshirë që ajo të ishte në Vetëvendosje, ndonëse e ka parë si opsionin e fundit të saj.
“Vjosa Osmani e ka respektin e Lëvizjes Vetëvendosje, për shkak të numrit të votave si kandidate. Madje, ajo ka shtatëfish më shumë vota sesa kryeministri i vendit”, ka thënë ai.
