Detaje të reja të publikuara nga mediat kroate, tregojnë se spiunja e dyshuar nga Mitrovica Veriore,46vjeçarja Ana Murganiq, kishte komunikim me të akuzuarin për sulmin terrorist në Banjskë, Vladimir Radivojeviqin, i njohur me nofkën “Mami”.
Lista Serbe e ka mohuar se e njeh spiunen e dyshuar nga Mitrovica e Veriut, por Slavko Simiqi ka fotografi bashkë me Vladimir Radivojeviqin “Mamin”, me të cilin duken shumë të afërt.
Mediat kroate po pretendojnë se spiunja e dyshuar nga Mitrovica e Veriut, Ana Murganiq, ka spiunuar për Listën Serbe, por Igor Simiq dje tha se as ai e as Lista Serbe nuk e njohën spiunen e dyshuar.
Sipas mediave kroate, gjatë hetimeve është gjetur se serbja nga Mitrovica e Veriut, komunikonte edhe me njërin prej të kërkuarve kryesor në rastin Banjska, Vladimir Radivojeciqin, i njohur me nofkën “Mami”.
Lista Serbe pos që e kanë mohuar se nuk e njohin këtë grua nuk kanë folur për asnjë detaj lidhur me skandalin.
Dyshimet janë se piloti kroat duke shfrytëzuar pozitën e tij në KFOR, të dashurës serbe, i ka dhënë informacione mbi lëvizjet e trupave të misionit paqeruajtës të NATO-s, e cila më pas ia ka dhënë Listës Serbe.
Spiunazh dyshohet se kanë bërë edhe në periudhën kur i dyshuari për sulm ndaj zyrave të KQZ-së, Dejan Pantiq, nga veriu, nuk mund të transportohej për në Prishtinë.
