Rojet e Vjosa Osmanit, arrestuan një kameraman sepse po merrte pamje të tyre teksa ruajnë në numra të mëdhenjë në një shkollë private, vajzat e Presidentes së Kosovës.
Opinionisti Burim Ramadani konsideron se Inspektorati Policor duhet të suspendimin e menjëhershëm të zyrtarëve policorë që shërbejnë si mbrojtje e afërt e Vjosa Osmanit për atë akt ilegal.
“Lirojeni kameramanin, suspendojini policët!Nuk jemi në diktaturë!
Dhuna është gabim, nuk tolerohet.
• Është dhunë të ndalohet kameramani/gazetari vetëm pse po filmon në hapësirë publike;
• Është dhunë t’i plaçkitet kamera, sepse nuk është konfiskim – është plaçkitje;
• Është dhunë madje vetëm t’i kërkohet fshirja e video-materialit, lëre më kjo t’i bëhet eventualisht nën presion.
* Për Policët e Kosovës:
Mos bëni presion dhe mos bjerni nën presion të kujtdo qoftë! Vetëm Ligjin zbatojeni.Ligji për Policinë e Kosovës i përcakton qartë dhe saktë përgjegësitë fhe autorizimet policore në kryerje të detyrës.
As për së afërmi kjo që keni bërë nuk është në përputhje me ligjin!
Ligji për Policinë është në standard të lartë demokratik, respekton të drejtat dhe liritë themelore të njeriut, prandaj mos veproni nën presion!
* Për Inspektoratin Policor të Kosovës:
Nisjani hetimit dhe rekomandoni suspendimin e menjëhershëm të këtyre zyrtarëve policorë!”
