Ballkani ka shënuar fitore në ndeshjen e parë kundër BATE Borisov, në takimin e parë të “Play-Off”-it për grupet e Ligës së Konferencës.
Kampioni i Kosovës fitoi 4:1 kundër ekipit bjellorus në stadiumin “Fadil Vokrri”.
Skuadra nga Suhareka është shumë afër që të kualifikohet për herë të dytë në dy vitet e fundit në fazën e grupeve në Ligën e Konferencës.
Pjesëmarrja në fazën e grupeve do t’i siguronte një shumë të madhe të parave për klubin suharekas.
Pjesëmarrja në grupet e Ligës së Konferencës shpërblehet me 2.94 milionë euro, pa përfshirë shumat tjera që merren në rast të fitoreve aty.
