Kryetari i Shoqatës së Naftëtarëve të Kosovës, Fadil Berjani, ka folur lidhur me çmimin e derivateve pas rritjes së tarifave të energjisë elektrike, duke theksuar se nuk pritet ndonjë rritje e çmimeve të naftës.
Në një deklaratë Berjani theksoi se “tarifat e Presidentit Trump po ndikojnë në uljen e çmimit të naftës në tregun global”, dhe kjo po reflektohet pozitivisht edhe në Kosovë.
Sipas tij, çmimet aktuale në tregun kosovar janë:
Dizel: nga 1.13 € deri në 1.21 € për litër
Benzinë: nga 1.12 € deri në 1.22 € për litër
Berjani shtoi se bursat janë stabile dhe se “nuk ka lëvizje të mëdha që do të shkaktonin rritje”. Ai krahasoi gjithashtu çmimet me ato të vendeve fqinje:
Shqipëri
Dizel: 1.78 €
Benzinë: 1.79 €
Serbi
Dizel: 1.77 €
Benzinë: 1.78 €
“Qytetarët tanë janë duke u shërbyer me çmimet më të lira në rajon,” tha Berjani, duke e cilësuar këtë një avantazh për konsumatorët në vend.
