Në një mbrëmje të mbushur me energji dhe pjesëmarrje të jashtëzakonshme, kandidati për kryetar të Fushë Kosovës, Besnik Osmani, u mirëprit nga qytetarët me mbështetje të fuqishme e entuziazëm të madh.
“Faleminderit Fushë Kosovë! Sonte treguat edhe njëherë energjinë dhe përkushtimin tuaj. Pjesëmarrja e madhe dhe mbështetja juaj e ngrohtë na jep forcë dhe motivim përpara. Fushë Kosova PËRTEJ! ✌️” – u shpreh Osmani pas takimit.
Pjesëmarrja e madhe është vlerësuar si një tregues i qartë i besimit të qytetarëve për ndryshim dhe përkushtimit për një të ardhme më të mirë. Sipas kandidatit, ky momentum do të shërbejë si forcë shtytëse në rrugëtimin drejt realizimit të synimeve për zhvillim dhe përparim të komunës.
Fushë Kosova tashmë ka dhënë një sinjal të fortë: ndryshimi është i pashmangshëm dhe bashkimi i qytetarëve po e bën atë realitet.
