Kandidati për kryetar të Komunës së Fushë Kosovës, Besnik Osmani, ka shprehur respektin e tij të thellë për luftëtarët e komunës, duke i cilësuar ata si krenarinë dhe nderin e përbashkët të qytetarëve.
“Luftëtarët e komunës sonë janë krenaria dhe nderi i përbashkët i qytetarëve tanë, që vazhdojnë veprat e mira edhe në paqe,” ka shkruar Osmani në një postim të tij.
Ai theksoi se kontributi dhe sakrifica e tyre nuk harrohen, ndërsa shtoi se vlerat që ata mbartin duhet të përcillen brez pas brezi, si shembull i përkushtimit dhe dashurisë për vendin.
