Bordi i FBK-së merr një mori vendimesh, ndër të tjera edhe themelimin e BAT-it në nivel vendor

Federata e Basketbollit të Kosovës ka njoftuar sot për mbledhjen e rradhës së bordit të saj.

Sipas njoftimit, bordi i FBK-së, në mbledhjen e mbajtur më 20 gusht 2025 në Prishtinë ka marrë këto vendime:

1. Miraton Propozicionet e Garave të kategorive seniore dhe Rregulloren për Regjistrim dhe Kalim për edicionin 2025/26.
2. Miraton kalendarët e garave për ProCredit Superligën dhe Superligën e Femrave për edicionin 2025/26.
3. Miraton sistemin e garave për grupmoshat e reja për gjeneratat U10, U12, U14, U16 dhe U18.
4. Miraton krijimin e Ligës Zhvillimore U21 për Vajza.
5. Vazhdon mandatin edhe për një edicion Komisionit të Garave të FBK-së në përbërje: Armend Hamiti (Kryetar), Arianit Shala dhe Ismet Ferati (anëtarë).
6. Miraton kërkesën e KB Drita, Gjilan, për inkuadrim në Ligën e Parë të Meshkujve për edicionin 2025/26, pas plotësimit të kritereve për licencim dhe garim, me qëllim zhvillimin e basketbollit në rajonin e Gjilanit.
7. Miraton Rregulloren për Licencim të Trajnerëve.
8. Miraton Rregulloren për Marketing dhe Udhëzuesin për Shitjen e Biletave Online.
9. Vendos që Nënkryetari Fatmir Gashi të jetë mbikëqyrës i procesit të hartimit të Planit Strategjik 2026–2030 në bashkëpunim me FIBA.
10. Vendos që takimi i FIBA Europe Youth Commission të organizohet më 17 tetor 2025 në Prishtinë.
11. Vendos që FIBA Europe U14 Get Together të mbahet më 17–18 tetor 2025 në Prishtinë.
12. Vendos fillimin e përgatitjeve për themelimin e Tribunalit të Arbitrazhit të Basketbollit në nivel vendor.
13. Miraton propozimin për identitetin e ri të FBK-së – “Basketbolli 3.0” dhe vendos që lansimi i tij të bëhet më 17 shtator 2025, para fillimit të edicionit të ri të garave në ProCredit Superligë dhe Superligën e Femrave.

Vendimet hyjnë në fuqi menjëherë.