Taylor Swift pothuajse ka përfunduar me turneun e saj “Eras”, me shfaqjet e saj të fundit që do të zhvillohen këtë fundjavë në Vankuver, Kanada.
Dhe pas 152 shfaqjeve në pesë kontinente, këngëtarja 34 vjeçare, ka vendosur për një pushim të merituar pikërisht në momentin që po afrohen festat e Krishtlindjeve.
Sipas burimeve të brendshme, Taylor po planifikon t’i kalojë Krishtlindjet me të dashurin e saj, Travis Kelce, 35 vjeç, madje ato zbulojnë se këngëtarja do të jetë mikpritëse e familjes së saj dhe Kelces, raporton DailyMail, transmeton “Bota sot”.
“Gjërat me Travisin janë serioze. Ai e bën atë shumë të lumtur. Ata janë të mrekullueshëm së bashku”, tha një burim për People.
“Travis është një djalë i mrekullueshëm. Ai është një person shumë real, i sjellshëm dhe një zotëri. Është e qartë se ai e do Taylor.”
Çifti janë në lidhje që nga vjeshta e vitit 2023 dhe kanë qenë mbështetës të mëdhenj të njëri-tjetrit me Swift-in që ndiqte ndeshjet e futbollit të Kelçes dhe Kelce duke bërë disa paraqitje në koncertet e saj.
Një tjetër burim tha se këngëtarit do t’i pëlqente të fejohej, por çifti “nuk po nxitojnë”, raportoi Us Weekly.
