Një ngjarje e rëndë ka tronditur Brigadën e Zjarrfikësve të Gjakovës. Kaqun Lima, zjarrfikës dhe shef i Operativës, ka ndërruar jetë pas një aksidenti tragjik që ndodhi të martën rreth orës 15:30 në fshatin Mejë.
Lima ishte në krye të detyrës kur ndodhi aksidenti. Ai u dërgua me urgjencë në Qendrën Klinike Universitare të Kosovës në Prishtinë, por fatkeqësisht nuk arriti t’i mbijetojë plagëve të marra.
Ceremonia e varrimit do të mbahet sot, në ora 17:00, në varrezat e qytetit në Gjakovë.
