E mitura dhunohet për herë të katërt në Prishtinë – RrGK reagon ashpër
Një rast tronditës i dhunës seksuale ka ndodhur në Prishtinë, ku një vajzë e mitur është dhunuar për të katërtën herë nga dhjetëra persona. Ky rast ka shkaktuar shqetësim të madh në opinionin publik dhe ka nxitur reagime të ashpra nga organizatat për të drejtat e grave.
Rrjeti i Grave të Kosovës (RrGK) ka reaguar menjëherë pas publikimit të këtij rasti, duke e dënuar ashpër dhunën e përsëritur dhe neglizhencën institucionale në mbrojtjen e viktimës. Në reagimin e tyre, RrGK ka kërkuar përgjegjësi dhe masa urgjente për të parandaluar raste të tilla në të ardhmen.
“Është e papranueshme që një vajzë e mitur të përballet me dhunë të përsëritur dhe institucionet të dështojnë në mbrojtjen e saj. Kërkojmë drejtësi dhe ndëshkim të menjëhershëm për autorët e këtij akti çnjerëzor,” thuhet në deklaratën e RrGK-së.
Ndërkohë, qytetarët dhe aktivistët për të drejtat e njeriut po kërkojnë dënime më të ashpra për dhunuesit dhe përmirësimin e mekanizmave mbrojtës për viktimat e dhunës seksuale.
Ky rast tragjik ngritë edhe një herë alarmin për nevojën e reagimit të shpejtë të institucioneve dhe shoqërisë për të mbrojtur të miturit nga çdo formë e abuzimit dhe dhunës.
