Në protestën e madhe të mbajtur sot në Tiranë në mbështetje të krerëve të UÇK-së që po gjykohen në Hagë, përveç qytetarëve të shumtë dhe figurave të njohura publike si Mozzik, edhe prezantuesja e njohur shqiptare, Albana Osmani, ishte e pranishme për të dhënë mesazhin e saj solidar.
Albana ndau me ndjekësit e saj në rrjetet sociale disa imazhe nga protesta, ku shihej e veshur me një bluzë të bardhë, mbi të cilën ishte stampuar simboli i UÇK-së – shqiponja e kuqe me inicialet e njohura.
Ajo u bashkua me turmën që kishte mbushur sheshin “Skënderbej”, duke treguar se mbështetja për çështjen kombëtare nuk është vetëm një çështje politike, por edhe morale e qytetare.
Prezantuesja, e njohur për angazhimin e saj në kauza sociale dhe humanitare, kësaj here zgjodhi të jetë zëri i mbështetjes për Kadri Veselin, Hashim Thaçin, Jakup Krasniqin dhe Rexhep Selimin, të cilët ndodhen në Gjykatën Speciale në Hagë, për akuza të lidhura me luftën për çlirimin e Kosovës.
