Fillimi i vitit të ri shkollor, drejtorët komunal të arsimit takohen me përfaqësues të MASHTI
Kryetari i Asociacionit të komunave, Sazan Ibrahimi, ka bërë të ditur se sot pritet të kenë takim me përfaqësues të MASHTI ku do të diskutohet në lidhje me fillimin e vitit të ri shkollor, raporton Gazeta Blic.
Lajmin e ka konfirmuar Ibrahimi për “Gazeta Blic”.
“Sot në ora 10.00 e kemi takimin e kolegjiumit të drejtorëve komunal të arsimit me përfaqësues të MASHTI ku do të diskutohet rreth fillimit të vitit të ri shkollor dhe skenaret për fillim të vitit të ri shkollor” tha Ibrahimi për “Gazeta Blic”.
Viti i ri shkollor ishte paraparë të fillonte më 13 shtator, por për shkak të situatës me COVID-19 në vend, u pezullua deri më 26 shtator.
