Gjatë ditës u raportua se një vajzë 4-vjeçare humbi në plazhin e Golemit.
Hana Mema, që ishte duke u larë në det me motrën e saj, u zhduk me të dalur nga uji.
Prindërit e kërkuan për orë vajzën e mitur, që u largua në drejtim të panjohur.
Pas shumë kërkimesh, i ati, Arsen Mema, njoftoi mediumin JOQ Albania që vajza është gjetur.
“Përshëndetje, jam Arsen Mema, babai i Hana Memës, vajzës së humbur në Golem. Dua t’ju them që vajzën e gjetëm. Dua të bëj një falënderim të pafund Zotit, Etiljon Kodrës dhe familjes së tij të mrekullueshme nga Tirana që gjeti vajzën tonë. Ju faleminderit”, është mesazhi prekës i babait, i dërguar JOQ pas ngjarjes.
