Drejtori i Përgjithshëm i Policisë së Kosovës, Gazmend Hoxha, ka reaguar lidhur me fletarrestin e lëshuar nga Serbia për zyrtarin policor Dylot Brahimi.
Në një konferencë për media, Hoxha theksoi se ky veprim është pjesë e fushatës së vazhdueshme të propagandës serbe ndaj institucioneve të sigurisë në Kosovë.
“Policia e Kosovës në vazhdimësi është cak i propagandës së Serbisë”, deklaroi ai, duke shtuar se sulmet dhe presionet e tilla nuk do ta ndalin punën dhe përkushtimin e Policisë në mbrojtje të ligjit dhe rendit.
Ai theksoi se institucionet vendore dhe ndërkombëtare janë të njoftuara për këtë rast dhe po trajtojnë çështjen me seriozitet.
