Ministria e Industrisë ka vendosur mekanizmin e ri për përcaktimin e çmimeve maksimale ditore të derivateve, që hyn në fuqi më 5 prill 2026.
Sipas vendimit, çmimi maksimal për dizelin është 1.86 €/litër, ndërsa për benzinën 1.49 €/litër, me mbikëqyrje të rritur për zbatimin e tij nga autoritetet kompetente.
“MINTI u bën thirrje të gjithë operatorëve ekonomikë që të zbatojnë me përpikëri vendimin e ri, me qëllim garantimin e një tregu funksional, të qëndrueshëm dhe në shërbim të interesit të konsumatorit. Këto masa nuk kanë për qëllim të dëmtojnë apo të sanksionojnë asnjë subjekt ekonomik. Ato janë të hartuara për të siguruar barazi në treg, për të mbrojtur konsumatorin dhe për të reflektuar kujdes të shtuar në një periudhë të ndjeshme të luhatjeve dhe pasigurive në tregjet globale të derivateve të naftës.”, thuhet në njoftim.
