Familja e Donald Trumpit ka mbërritur në një kishë në Uashington DC përpara inaugurimit të tij në orën 12:00 (18:00 me kohën lokale të Kosovës).
Edhe të ftuar të tjerë kanë nisur të mblidhen për inaugurimin.
Ceremonia, e mbajtur tradicionalisht jashtë Kapitolit të SHBA-së, është zhvendosur në ambiente të mbyllura për shkak të parashikimit për temperatura të ulëta, të cilat do të mbërrijnë deri në -13C, raporton BBC.
Pas betimit, Trumpi do t’i drejtohet kombit. Në mbrëmje ai pritet të marrë pjesë në tri ballo inauguruese.
Përpara se Trumpi të marrë zyrtarisht detyrën, Joe Bideni ka lëshuar falje paraprake për disa figura të “kërcënuara me ndjekje penale”, duke përfshirë Dr Anthony Fauci dhe oficerët që dëshmuan për trazirat e Kapitolit.
Ndërkohë, në një tubim të dielën, Trumpi ka premtuar të nënshkruajë një sërë urdhrash ekzekutivë në ditën e tij të parë si president.
