Royston Drenthe, ish-mesfushori holandez i njohur për paraqitjet e tij te Real Madrid dhe skuadra të tjera të njohura, është shtruar në spital pas një sulmi në tru që pësoi gjatë javës së kaluar.
38-vjeçari u dërgua në spital të premten dhe po merr kujdes të specializuar. Lajmin e konfirmoi FC de Rebellen, agjencia që përfaqëson ish-futbollistët, e cila njoftoi se Drenthe ndodhet në duar të sigurta dhe shpreson për një shërim të shpejtë.
“Të premten e kaluar, Royston Drenthe pësoi një goditje në tru. Ai aktualisht po merr kujdes të mirë dhe është në duar të sigurta. Ekipi dhe të gjithë të përfshirët shpresojnë për një rikuperim të shpejtë,” tha agjencia në deklaratën e saj.
Drenthe gjatë karrierës së tij ka luajtur për skuadra të mëdha si Feyenoord, Real Madrid dhe Everton. Ai kishte përfunduar karrierën këtë vit duke luajtur për Hessle Sport.
