Çdo dimër ne përpiqemi të veshim kombinimet më të bukura që mundemi. Por gjithmonë na duket se diçka mungon, ndaj këtë vit krijuam një plan stili për të përmirësuar pamjen tonë sezonale.
Këto truke janë shumë më të lehta për t’u përdorur në veshjet e tua sesa mendon. Ndoshta i ke në dollap prej kohësh. Të stilosh një veshje, jo thjesht ta veshësh, është ajo që e ngre ose e ul një pamje. Na beso, këto detaje do ta vërtetojnë. Mjaftojnë disa ndryshime të vogla që të dukesh e kuruar këtë dimër.
Ja truket që po përdoren për dimrin 2025:
1. Shto doreza lëkure
Dorezat e lëkurës janë elegante, fine dhe i japin çdo veshjeje një pamje shumë të sofistikuar. I përshtaten çdo lloj palltoje dhe e bëjnë kombinimin të duket i plotë. Duken si investim i shtrenjtë, por ka shumë alternativa të përballueshme. Eleganca nuk kërkon domosdoshmërisht buxhet të madh.
2. Mbaj një shall shumë të gjatë
I mbajmë mend të gjitha shajet e ngushtë, por shajet super të gjatë meritojnë po aq dashuri. Drama që i shton gjatësia e tyre bën që edhe një kombinim bazë me pallto dhe pantallona të duket jashtëzakonisht shik.
3. Ndiq rregullin e “këpucës së gabuar”
Ky trend ka marrë dhenë: të veshësh qëllimisht këpucën “e gabuar” për veshjen. Mund të kombinosh fustane me çizme të trasha ose këpucë të sheshta me xhinse shumë të gjera. Këto këpucë duhen patjetër të jenë pjesë e veshjeve të dimrit.
4. Shto një kapelë leshi në formë kove
Ndonjëherë, gjëja e vetme që i mungon një veshjeje është një kapelë leshi me një formë karakteristike. Është e thjeshtë, e pastër, pa rënë në vulgaritet apo shumë sportivitet. Jep ekuilibrin perfekt për çdo kombinim dimëror.
