Katër persona kanë mbetur të lënduar lehtë si pasojë e një zjarri që ka përfshirë një laje në Shtime.
Nga Policia e Kosovës kanë thënë për gazetën online Reporteri.net se ka nisur si zjarr fushor dhe pastaj për shkak të erës është përhapur me shpejtësi. Deri më tani nga zjarri është përfshirë një shtëpi e vjetër dhe një veturë.
“Rreth orës 14:00, në lagjen “Pajtimi”në Shtime është paraqitur një zjarr fushor, i cili për shkak të erës së fortë është përhapur me shpejtësi. Zjarri, i cili ndodhet afër shtëpive të banimit, paraqet rrezik. Deri tani është përfshirë një shtëpi e vjetër dhe një veturë.
Në vendngjarje ndodhen ekipet e zjarrfikësve të Shtimes, të cilët po punojnë për shuarjen e zjarrit me ndihmën edhe të banorëve të lagjes. Deri në këtë moment është raportuar për katër persona të lënduar lehtë. Në zonën e rrezikuar ndodhet edhe një autoambulancë. Policia është në vendin e ngjarjes dhe menaxhmenti i saj është duke i koordinuar aktivitetet me autoritetet komunale”, ka thënë për Reporteri.net, zëdhënësi i policisë për rajonin e Ferizajt, Kanun Veseli.
