Përzgjedhësi i Zvicrës, Murat Yakin, ka shpallur listën për dy ndeshjet e fundit kualifikuese për Kupën e Botës 2026.
Kualifikimet për Botëtorin 26 po vazhdojnë dhe garat për kualifikim vetëm sa po ngushtohen.
Në ndeshjet e radhës, Zvicra do të presë Suedinë më 15 nëntor në Gjenevë, pastaj më 18 nëntor do të udhëtojë në Prishtinë për të luajtur në “Fadil Vokrri” kundër Kosovës.
Ajo që është e rëndësishme është që kombëtarja Zvicrane ka përzgedhur tre lojtarë shqiptarë për ndeshjen kundër Kosovës
Natyrisht, nuk mungon kapiteni Granit Xhaka, në asnjërën ndeshje.
Edhe Adrian Bajrami dhe Andi Zeqiri, pritet të jenë pjesë e skuadrës për këto duele vendimtare.
Pas xhirove të fundit të grupit, Zvicra udhëheq me 10 pikë, ndërsa Kosova ka 7, Sllovenia 3, dhe Suedia vetëm 1 pikë. Përmes vendit të parë në grup, Zvicra synon kualifikimin direkt në Botëror, ndërsa vendi i dytë dërgon në barazh.
Nëse Zvicra nuk fiton ndaj Suedisë dhe Kosova triumfon ndaj Sllovenisë në Lubjanë, ndeshja në “Fadil Vokrri” do të bëhet një finale direkte për vendin e parë dhe për kualifikimin në Kupën e Botës 2026.
