Gjiganti italian, Juventus, ka njoftuar edhe zyrtarisht për transferimin e kosovarit Edon Zhegrova.
Në faqen zyrtare të klubit janë publikuar fotografi nga ceremonia e nënshkrimit të kontratës dhe prezantimi i fanellës, ku ai ka zgjedhur numrin 11.
“Është zyrtare! Marrëveshja u nënshkrua”, thuhet në shkrimin e klubit.
Siç është raportuar nga eksperti i transferimeve, Fabrizio Romano, Juve për kartonin e Zhegrovës ka paguar rreth 20 milionë euro.
Mësohet se 26-vjeçari ka nënshkruar kontratë deri në verën e vitit 2030.
Ai do të ketë pagë prej 2.5 milionë euro në vit.
