Zjarrfikësit e Gjakovës kanë ndarë detaje nga zjarri masiv që përfshiu fabrikën e Comodita-s, në Gjakovë.
Ata deklarojnë se zjarri nisi që nga pasditja, teksa ekipet në vendngjarje deri në mesnatë arritën ta shuajnë plotësisht.
“Gjatë operacionit, falë reagimit të shpejtë dhe përkushtimit të ekipit, u arrit të mbrohej edhe zona ku ndodheshin bombola gazi, rreziku i shpërthimit të të cilave mund të kishte shkaktuar një katastrofë të madhe” thuhet në njoftimin e Zjarrfikësve të Gjakovës.
Ky njësit falënderon për mbështetjen dhe bashkëpunimin edhe zjarrfikësit e qyteteve të tjera, që iu dolën në ndihmë.
Ky është njoftimi i plotë:
Dje pasdite njësia e zjarrfikësve të Gjakovës ka intervenuar në zjarrin e madh që përfshiu një pjesë të fabrikës “Comodita” në Gjakovë.
Zjarri, i përmasave të mëdha, mori flakë që nga pasditja dhe ekipet tona mbetën në vendngjarje deri në mesnatë derisa u arrit të shuhej plotësisht, duke parandaluar përhapjen e tij në pjesë të tjera të objektit.
Gjatë operacionit, falë reagimit të shpejtë dhe përkushtimit të ekipit, u arrit të mbrohej edhe zona ku ndodheshin bombola gazi, rreziku i shpërthimit të të cilave mund të kishte shkaktuar një katastrofë të madhe.
Shprehim falënderimet tona të veçanta për bashkëpunimin dhe mbështetjen e kolegëve zjarrfikës nga:
– Njësia e Prishtinës
– Njësia e Prizrenit
– Njësia e Rahovecit
– Njësia e Pejës
– Njësia e Deçanit
– Njësia e Junikut
për solidaritetin dhe profesionalizmin e treguar gjatë gjithë intervenimit.
Faleminderit të gjithëve për përkushtimin dhe punën e palodhur në shërbim të sigurisë së qytetarëve.
