Fotoreporteri i “Koha Ditore”, Alban Bujari, është ndarë nga jeta të enjten, raporton Gazeta Sinjali
Lajmin për vdekjen e tij e bënë të ditur familjarët dhe të afërmit, derisa u bë e ditur se i ndjeri varroset sot në varrezat e Dragodanit.
“Me pikëllim të thellë ju njoftojmë se më datë 27.02.2025, ndërroi jetë më i dashuri, bashkëshorti, djali, vëllau, babi Alban Fadil Bujari. Varrimi do të mbahet më datë 28.02.2025 (të premten), në varrezat e Prishtinës në Dragodan, nga ora 14:45.”, është thënë në njoftimin e familjes.
I ndjeri ishte fotoreporter gjatë luftës së fundit në Kosovë, ku dhe hapi ekspozitën e quajtur “Erë Gjaku”, ku u kujtua Masakra e Rogovës së Hasit në Gjakovë, aty ku forcat serbe vranë e më pas masakruan 21 luftëtarë të Ushtrisë Çlirimtare të Kosovës dhe disa civilë të këtij fshati.
The post Ndahet nga jeta Alban Bujari, fotoreporteri që solli kujtimet e luftës përmes fotografive appeared first on Sinjali.
