Një rast i dyshuar për përdorim të kartëmonedhave të falsifikuara është raportuar në orët e hershme të mëngjesit të së mërkurës në Prishtinë.
Sipas njoftimit të Policisë së Kosovës, rreth orës 03:25 një person, duke drejtuar një veturë, ishte furnizuar me derivate në një pikë karburanti, ndërsa pagesën e kishte kryer me dy kartëmonedha në vlerë prej 50 euro secila.
Dyshohet se kartëmonedhat janë të falsifikuara dhe ato janë sekuestruar nga policia si prova materiale. .
“Raportohet se një person me veturë ishte furnizuar me derivate dhe pagesën e kishte bërë me dy kartëmonedha në vlerë nga 50 euro të cilat dyshohet të jenë të falsifikuara.” thuhet në raportin e Policis së Kosovës.
Rasti është duke u hetuar nga njësitë kompetente, ndërsa deri më tani nuk raportohet për të arrestuar lidhur me këtë ngjarje./Rilindjashqiptare/
