Papërgjegjshmëri / Ditët e numëruara, por KQZ “bllokohet” në punëtori në mes zgjedhjeve të jashtëzakonshme

Komisioni Qendror i Zgjedhjeve nuk është duke e “çarë” kokën për zgjedhjet e jashtëzakonshme që u shpallën para ditës ditësh.

Ndonëse ditët i kanë të numëruara për organizimin e zgjedhjeve parlamentare të 28 dhjetorit, anëtarët dhe shumica e zyrtarëve të KQZ-së nuk do të jenë në ndërtesën e institucionit, por do të do të largohen nga Prishtina dhe do të “bllokohen” në punëtori disa ditëshe brenda vendit.

Paparaci ka siguruar vendimin e institucionit për mbajtjen e kësaj punëtorie, e cila do të fokusohet në “mësimet e nxëna nga zgjedhjet lokale 2025” dhe është planifikuar të zhvillohet nga 25 deri më 27 nëntor 2025.

Burime të Paparacit kanë thënë se nuk ka asnjë pengesë ligjore që e ndalon KQZ-në të mbajë punëtori gjatë një procesi zgjedhor, por në kontekstin kur ditët janë të numëruara dhe zgjedhjet janë të parakohshme, kjo ngre disa pikëpyetje serioze për menaxhimin profesional të kohës.

Shkuarja a e KQZ-së në punëtori, pikërisht në javën kur fillojnë shumë operacione zgjedhore tregon joseriozitetin institucional dhe kjo mund të reflektohet në organizim të dobët, ka thënë ky burim.