Sot rreth orës 21:00, Policia e Kosovës ka ndërhyrë në rrugën “Vëllezërit Gërvalla” në lagjen Bregu i Diellit pas një përleshjeje fizike.
Zëdhënësi për rajonin e Prishtinës, Enis Pllana, për Sinjalin tha se një person ka mbetur i lënduar dhe ka pranuar tretman mjekësor.
Personat e përfshirë janë shoqëruar në stacion policor, ndërsa njësitet relevante po punojnë për sqarimin e plotë të rrethanave të ngjarjes.
“Nga informatat fillestare, raportohet se një person ka mbetur i lënduar, i cili ka pranuar tretman mjekësor.
Personat e përfshirë në rast janë shoqëruar në stacion policor ndërsa njësitet relevante janë duke u marrë me sqarimin e plotë të rrethanave të rastit.”
