Sipas Policisë, këto mesazhe përmbajnë linqe mashtruese dhe synojnë të mashtrojnë qytetarët duke i nxitur të kryejnë pagesa ose të japin të dhëna personale dhe bankare.
Policia e Kosovës ka theksuar se nuk ka dërguar mesazhe të tilla dhe se bëhet fjalë për një tentativë mashtrimi.
Në njoftimin e saj, Policia u bën thirrje qytetarëve që:
-
të mos klikojnë në asnjë link të dyshimtë;
-
të mos japin të dhëna personale apo të kartelave bankare;
-
të mos kryejnë pagesa përmes këtyre linqeve;
-
t’i fshijnë menjëherë mesazhet mashtruese; dhe
-
në rast se kanë kryer ndonjë pagesë, ta raportojnë menjëherë rastin në bankën përkatëse dhe të kërkojnë anulimin e pagesës, si dhe ta raportojnë rastin në stacionin policor më të afërt.
Policia e Kosovës ka ritheksuar përkushtimin e saj në parandalimin dhe luftimin e mashtrimeve, duke ftuar qytetarët për vigjilencë të shtuar dhe bashkëpunim me institucionet e sigurisë.
