Pak para fillimit të seancës ndaj Dardan Krivaqës dhe Arbër Sejdiut, të akuzuar për vrasjen e 18-vjeçares, Marigona Osmani, disa gra janë mbledhur para objektit të Gjykatës Themelore në Ferizaj, ku kanë zhvilluar një aksion.
Qytetaret kanë vendosur disa pankarta para objektit të gjykatës, ku shihen pjesë të shkëputura nga aktakuza ndaj Krivaqës dhe Sejdiut, raporton “Betimi për Drejtësi“.
Në objekt është vendosur edhe një mbishkrim “Ne nuk harrojmë!”, në shenjë proteste ndaj këtij rasti dhe rasteve të tjera të vrasjeve.
