Sindikata e SHKK-së kanë marrë premtime se do të përfshihen në listën e pagave shtesë.
Maskën e distancën po e mbajnë.
Sindikalistët e Shërbimit Korrektues të Kosovës para qeverisë i nxori një pakënaqësi e përbashkët.
Përmes protestës ata po kërkojnë që të realizohen të drejtat e tyre ligjore dhe të marrin shtesën në pagë, që parashihet tek ligji për pandeminë.
E menjehërë një pjesë e tyre iu drejtuan zyrës së Kryeministrit në detyrë, Avdullah Hoti.
Pas diskutimit që patën brenda me Hotin përfaqësuesit e Sindikatës së Shërbimit Korrektues të Kosovës u kthyen më një lajm të mirë për kolegët e tyre.
Këta të fundit kanë marrë premtime nga kryeministri në detyrë se do të përfshihen në listën e pagave shtesë.
Frashër Rracaj nga Shërbimi Korrektues tha se atyre u është thënë se kërkesat e tyre do të realizohen në muajin mars.
Pas këtij premtimi protesta është ndërprerë përkohësisht deri në vendimin e qeverisë që pritet të merret në mbledhjen e parë për muajin mars.
