Ka nisur grumbullimi i qytetarëve në sheshin “Skënderbeu” në Prishtinë ku po protestohet kundër shtrenjtimit të rrymës.
Organizuesit e protestës iu kanë bërë thirrje qytetarëve që t’i bashkohen kësaj proteste kundër shtrenjtimit të rrymës për 15% që u paralajmërua nga Zyra e Rregullatorit për Energji.
Pjesëmarrësit shihen të mbajnë pankarta me mbishkrime të ndryshme si ‘‘Asnjë cent më shumë’’.
Tjera janë edhe ato si ‘’Jo më padrejtësi në emër të energjisë’’, ”A shtrenjtohet terri?”.
Një prej organizatorëve të protestës Ali Sefaj ka deklaruar para masës se nuk do të lejohet shtrenjtimi i rrymës.
“Jemi mbledhur këtu për të treguar se nuk do të lejojmë që rryma të shtrenjtohet. Ai thotë se nuk do të ketë tërheqje mbrapa nga kërkesat e protestuesve. Ju bëjmë thirrje atyre që janë në ZRRE që të mos marrin vendim për shtrenjtim të rrymës”, ka deklaruar Sefaj.
Rryma mund të shtrenjtohet nga prilli dhe me këtë rritje të çmimit të rrymës mund të rriten edhe çmimet në treg, përfshirë çmimet e bukës, qumështit, vajit e produkteve tjera.
Kundër kësaj këto ditë ka pas protesta edhe prej aktivistëve.
